Gjykata Administrative ka rrëzuar kërkesën e ish-deputetit Gledion Rehovica, i cili kërkoi shfuqizimin e vendimit të KQZ-së, që i ndërpreu mandatin rreth 18 muaj më parë, në kuadër të ligjit për dekriminalizimin.
Ish-deputeti i LSI-së në legjislaturën e kaluar, kërkoi në Gjykatë rikthimin e mandatit, i cili iu ndërpre pas hetimeve të Prokurorisë, ku rezultoi se kishte fshehur një vepër penale të kryer në Itali.
Rehovica, akuzohej nga Prokuroria se ishte arrestuar në vitin 1999 në Itali për “vjedhje dyqani”. Ai mohoi akuzat e Prokurorisë duke thënë se ka qenë student në Romë gjatë kohës për të cilat flet akuza e Prokurorisë.
