Edhe pse një metropol me një sipërfaqe relativisht të vogël krahasur me simotrat e saj në Europë, Tirana po bëhet gjithnjë e më e vështirë për tu përshkruar me transport publik. Një qytetari në kryeqytet, përpos kaosit të trafikut i duhet të përballet edhe me dhjetra problemet e transportit publik, të cilit në 2016 iu rrit cmimi i biletës me 33.3% më shumë. Në atë kohë kreu i Bashkisë Tiranë, Erion Veliaj u premtoi qytetarëve një transformim total të transportit publik, por deri më tani asnjë nga ato që u thanë nuk u përmbushën.
Sic shihet edhe nga pamjet në fotot e ardhura në redaksinë e Boldnews.al, qytetarët e Tiranës bëhen akoma protagonistë të akrobacive, për të kapur autobuzin duke rrezikuar jo vetëm korrektesën për përditshmërinë, por edhe shëndetin e tyre. Nuk kanë qenë të pakta rastet kur qytetarët janë lënduar fizikisht duke u shtypur me njërit-tjetrin për një vend në autobuz, pasi askujt nuk i leverdis të presë atë të rradhës. Në Tiranë nuk respektohen as oraret dhe as siguria e njerëzve. Një pjesë e mirë e autobuzëve është krejtësisht e amortizuar, ndërkohë që edhe ato që janë sjellë të rinjë, për një arsye apo një tjetër rrallë herë i vënë në punë kondicionerët.
Me rritjen e çmimit të biletës, kreu i bashkisë Veliaj premtoi se do të shtoheshin jo vetëm kushtet por edhe numri i autobuzëve. Por, nevojën që ka Tirana për më shumë mjete të transportit publik, edhe pas ndarjes së re territoriale, Erion Veliaj duket se e ka zëvendësuar me nevojën për më shumë tendera për kompanitë që do të sjellin mjetet e reja të transportit, e për sa kohë nuk bie dakort me ta, edhe Tirana do të vazhdojë të jetë në kaos. E vetmja gjë që Lali Eri jep falas dhe pa asnjë merak, janë dekorimet dhe zemrat për Shën Valentin…për cdo tjetër në Tiranë duhet të paguash, që mos ta kesh! /Boldnews.al/
