Kreu demokrat Lulzim Basha ishte sot në Pogradec, ku ka zhvilluar takime me qytetarë, por edhe ka mbajtur një fjalim në një miting të organizuar në qendër të qytetit.
Basha ka ftuar pogradecarët që t’i bashkohen protestës së 16 shkurtit në Tiranë, duke akuzuar Ramën se e ka lidhur fatin me oligarkët dhe kriminelët. Basha ka ftuar qytetarët që të marrin në dorë fatet e tyre.
Por momenti që duket se ka entuziasmuar më shumë kreun e PD ka qenë ai me të rinjtë demokratë. Ata mbanin në duar pankarta, ku shfaqeshin përfaqësuesit më të lartë të mazhorancës, si karikatura.
Basha duket se nuk ka mbajtur gëzimin, ndërsa është pritur me ovacionet e të rinjve.
