Protesta për Teatrin/ Rezistenca që mposhti arrogancën e qeverisë

Ndërkohë që ka kaluar një vit nga vendimi i qeverisë për shembjen e godinës së Teatrit Kombëtar, sot nuk ka më asnjë gjurmë nga insistimi i qeverisë dhe bashkisë për të vazhduar më tej.

Teatri Kombëtar është ende ‘në këmbë’ i pa prekur nga vendimet arbitrare dhe korruptive dhe bashkë me të edhe qytetarët dhe shoqëria civile që protestoi kundër këtij vendimi. Për 365 ditë me rradhë, në ambjentet e jashtme të teatrit janë mbajrut cdo ditë dëgjesa dhe protesta paqësore për të kundërshtuar ekzekutimin e këtij vendimi dhe ky është mesazhi i fortë që është dhënë për një vit rresht nga qytetarët. Bashkimi dhe insistimi për të mbrojtur pronën dhe pasuritë kolektive, intelektuale dhe historike të shqiptarëve ka zbythur arrogancën e qeverisë.

Loading...

Njësoj si heshtja e institucioneve, kanë heshtur edhe mediat pranë qeverisë dhe histeria e rrjeteve sociale ka fshirë nga memoria ‘shembjen e teatrit’ bashkë me dëshirën për ndërtimin e kullave. Për ndërtimin e teatrit të ri nuk ka më asnjë lajm.
Në protestën e rradhës, më 8 shkurt, ku mbushej edhe një vit nga protesta e artistëve, aktorët dhe pjestarë të shoqërisë civile kishin një arsye të madhe për të festuar; rezistencën ndaj arrogancës së qeverisë.
“Po të qëndrosh fort, qoftë dhe i vetëm, qoftë edhe me pak njerëz, qoftë edhe duke zëvendësuar njëri-tjetrin… ka një rezultat dhe rezultati është më se i dukshëm. Sot një vit më parë flitej se këto dy ndërtesa (Teatri Kombëtar) do të shembeshin, por ja që nuk janë shembur…” tha aktori Romir Zalla për një-vjetorin e protestës, që sipas tij nuk është festë, por arsye për më shumë protestë.

LEXO EDHE  “Bindja Demokratike”, ‘shpërthen’ analisti: Lëvizje kllouneske, më kujton pluralizmin e Ramiz Alisë…

Në më pak se një vit, pa militantë, pa urdhëra të Qeverisë për të shpërndarë apo komentuar në rrjetet sociale, “Aleanca për Mbrojtjen e Teatrit” e krijuar më 19 mars të vitit të kaluar, mblodhi 6 316 ndjekës. Ajo postoi 787 foto dhe 520 video (pjesa më e madhe video-live) duke gjeneruar si total mbi 1.6 milionë shikime. Sic përmendet edhe në publikimet e kësaj faqeje ne rrjetet sociale dhe exit.al kjo ishte fitorja e parë.

Të vetmet që i qëndruan besnikë protestës dhe zërit të qytetarëve kanë qenë disa media on-line, portale dhe gazeta të mirëfillta, që packa se hasën sistematikisht reagimet e kreut të qeverisë duke i konsideruar si ‘kazanë mediatik’, e pasqyruan protestën në mbrojte të teatrit pa asnjë përfitim financiar, pa gjoba, pa shpifje dhe pa e bërë pis idelain e pasqyrimit të së vërtetës, që ndryshe nga sa trumbetohej nga Kryeministri, vetëm me kazanin që nuk kishte të bënte. Një festë apo protestë, nuk ka më rëndësi. Ajo që vlen të theksohet është fakti se qëndresa qytetare nuk do të mposhtet dot kurrë nga arroganca dhe injoranca e qeverisë që shet cdo gjë për një tender më shumë. /Boldnews.al/

Loading...
Loading...

PËRGJIGJU

Please enter your comment!
Please enter your name here