Anila Hoxha 47-vjeçarja nga lagjia Sheq i Madh në Fier e cila prej një muajoi ka ngelur e paralizuar për shkak të një sulmi që i kanë shkaktuar disa qenë endacak.47-vjeçarja është sulmuar rreth orës 06:00 të mëngjesit dhe ka qenë duke shkuar për në punë ndërkoh që qenët e kanë rrëzuar në tokë dhe i kanë shkaktuar dënime të mëdha në shtyllën kurrizore.
“Më shqyen nga xhupi. U rrëzova. Nuk jamë as për vete as për gjë. Si puna ime mund të jenë edhe gra të tjera.”, u shpreh Anila.
Ndërsa bashkëshorti i saj Armando Hoxha shprehet se nuk ka mundësi që të përballojë shpenzimete familjes apo dhe vizitat e bashkëshortes ai kërkon ndihmë për familjen etij prej 5 anëtarësh.
“Ka një muaj gruaja shtrirë. Nuk kam lekë”, u shpreh bashkëshori I Anilës, Armando Hoxha.
Ky nuk është rasti i parë që qytetarët bëhen viktima ndaj sulmeve të qenve endacakë. Ata kanë qënë dëshmitarë të rasteve kur qënë të kenë sulmuar fëmijë dhe të rritur e ndërsa shprehin indinjatën e tyre për rrezikun që u kanoset çdo ditë.
Problematika e qenve endacak është ngritur disa herë, pasi jashtë çdo kontrolli, dhe të paushqyer, ata bëhen të rrezikshëm, gjë e cila u vërtetua edhe me vdekjen e 61 vjeçares në Dyshnik të Beratit ditë më parë.
Ora News
