Udhëtonte me motorçikletë, përplaset nga një makinë. Aksidenti ka ndodhur në fshatin Zgjup Fushë Gramsh, ndërsa i plagosuri, drejtues i motorit, është transportuar drejt Tiranës në gjendje të rëndë shëndetësore.
Sipas njoftimit paraprak nga policia drejtuesi i mjetit është shoqëruar në Komisariatin e Policisë Elbasan, për veprime të mëtejshme.
Njoftimi i policisë
Në fshatin Zgjup Fushë Gramsh, një mjet është përplasur me një motoçiklet. Si pasojë e aksidentit është aksidentuar drejtuesi i motoçikletës shtetasi A.T., rreth 18 vjeç. Bëhet e ditur se 18 vjeçari është nisur për në spitalin e Traumës në Tiranë në gjëndje të rëndë.
Drejtuesi i mjetit është shoqëruar në Komisariatin e Policisë Elbasan, për veprime të mëtejshme. Grupi hetimor ndodhet në vendgjare dhe po punon për zbardhjen e shkakut të aksidentit.
