Një organizatë kriminale që fallsifikonte dokumente udhëtimi është shkatërruar nga policia greke në Athinë.
Policia bëri të ditur se në prangat e policisë kanë rënë 3 persona, ndërsa një i katërt është shpallur në kërkim.
Mediat raportojnë se asnjë prej të arrestuarve nuk është grek, ndërkohë që janë bllokuar mbi 200 pasaporta dhe 120 karta identiteti. Mes dokumenteve të sekuestruara ndodhen edhe pasaporta shqiptare.
Mendohet se aktiviteti i paligjshëm nxirrte përfitime në disa qindramijëra euro, kjo për faktin se çmimet për pasaporta varionin nga 800 në 1200 euro, ndërsa për kartat e identitetit nga 300-500 euro.
Gjithashtu policia ka sekuestruar patenta, viza konsullore, leje qëndrimi për azil. Mbit ë arrestuarit rëndon akuza e fallsifikimit, ndërsa mendohet se aktiviteti i paligjshëm zhvillohej në banesat e tyre.
Dokumentet e bllokuara
-204 – pasaporta
-123- karta identiteti
-5- patenta
-59 lejet e qëndrimi për azil
-49- viza konsullore
-35- diapozitivësh të dokumenteve të ndryshme të udhëtimit
-2.000- certifikata regjistrimi të automjeteve
-62- vula
-2- laptopë
-3 telefona celularë
-1.365 euro dhe -36- dollarë amerikanë
