Spitali Rajonal i Fierit, që i shërben një komuniteti prej rreth 300.000 mijë banorësh dhe mbulon 3 bashki: Fier, Patos, Roskovec, ka ngelur pa mjek pediatër dhe urgjence.
Burime nga Ministria e Shëndetësie dhe Mbrojtjes Sociale kanë informuar “BoldNews” se situata në Spitalin Rajonal Fier është shumë e keqe për repartin e Pediatrisë dhe Urgjencës, ku ka mungesa te theksuara në mjek pediatër dhe mjek urgjence për të mbuluar shërbimin. Aktualisht, në shërbimin 24-orësh të pediatrisë, punojnë vetëm 3 mjekë, nga të cilët 2 janë në pension.
Është kërkuar mbulimi i shërbimit nga mjekët e përgjithshëm të familjes që punojnë në qendra shëndetësore, por ata hezitojnë të punojnë në pediatri dhe urgjencë, pasi ndihen të pambrojtur nga drejtuesit e Spitalit Rajonal Fier. Kujtojmë se pas vdekjes së një 43-vjeçari, gjykata e Fierit ka pezulluar nga detyra 2 mjekë të Repartit të Urgjencës, Blendi Dhespollari dhe Emiljano Myrtaj si dhe ka kërkuar detyrim paraqitje për kardiologun Viktor Gjini, ish-nëndrejtori i QSUT.
Kujtojmë qe Ogerta Manastirliu, Ministrja e Shëndetësisë dhe Mbrojtjes Sociale, e ka cilësuar spitalin e Rajonal Fier si një nga spitalet që duhet marr shembull për nga menaxhimi. Por e vërteta është krejt ndryshe: Një dështim total. /Boldnews.al/
