Kreu demokrat Lulzim Basha mësohet se ka pasur një takim të gjatë me përfaqësues të ambasadës amerikane në Tiranë, në një nga restorantet e njohura të kryeqytetit.
Boldneës.al ka mësuar se takimi ka zgjatur për rreth 3 orë, ndërsa zyrtarisht as PD dhe as Ambasada nuk ka nxjerrë ndonjë njoftim apo ka zbardhur detaje mbi bisedën.
Takimi është mbajtur në një kohë kur situate politike në vend është e tensionuar, opozita ka thirrur një protestë mbarëpopullore, ndërsa vijojnë debatet përsa i takon planit të ndryshimit të kufinjve, në kuadër të arritjes së një marrëveshjeje mes Kosovës dhe Serbisë.
Ndoshta këto kanë qenë edhe temat që kreu demokrat ka diskutuar me përfaqësues të ambasadës së SHBA, e cila aktualisht drejtohet nga e ngarkuara me Punë, pasi ambasadori i ri nuk ka ardhur.
Një ditë më parë nga Vora, Basha i ka kthyer një përgjigje Ambasadorëve të BE dhe OSBE-së, lidhur me këmbënguljen e tyre përsa i takon realizimit të reformës zgjedhore.
“Më thonë “mirato Kodin Elektoral. i them, “miq të dashur, ua kam thënë dhe anglisht, po ua përsëris edhe në shqip, ç’ punë keni me kodin?
Po të zbatohet Kodi Elektoral siç është dhe Kodi Penal siç është sot, Vangjush Dako, Tahiri, Balla, Damian Gjiknuri dhe vetë Edi Rama do të ishin para drejtësisë dhe pas hekurave.
Nuk është punë kodi dhe letrash, por është çështje zbatimi ligji. Ligji nuk zbatohet se prokuroria është mall i Edi Ramës. Mashë e krimit në rrugë dhe krimit në qeveri”, tha Basha.
