Skuadra e Kaljarit është duke përjetuar një moment negativ, teksa në 4 ndeshjet e fundit ka rregjistruar 3 humbje dhe 1 barazim. E ardhmja e trajnerit Maran duket në rrezik, teksa drejtuesit po mendojnë për një zëvendësues të denjë që mund ta nxjerrë ekipin nga kriza.
Mediat italiane kanë publikuar listën e kandidatëve të mundshëm që mund të zëvendësojnë Maranin në krye të Kaljarit, teksa nuk mungon emri i ish-trajnerit të Kombëtares, Xhani De Biazi.
Në pritje të vendimit përfundimtar të presidentit Xhulini, De Biazi shihet si një alternativë e mundshme për t’u rimëkëmbu skuadrën.
Në listë bëjnë pjesë edhe emrat e trajnerëve të tjerë si Roberto Donadoni, Masimo Karrera dhe Andrea Stamaçoni. Gjithçka mbetet në dorë të presidentit Xhulini, i cili do të bëjë zgjedhjen përfundimtare për të ardhmen e skuadrës së tij./Boldnews.al/
