Kompania “Fly Ernest” vazhdoi të jetë problematike dhe rezulton kompania me numrin më të madh të vonesave në fluturime edhe gjatë muajit janarë si në dhjetor të 2018. Këto njoftime e beri Autoriteti i Aviacionoit Civil.
“Muaji janar paraqitet më i qetë sa i përket vonesave apo anullimit të fluturimeve nga kompanitë ajrore, po të krahasohet me muajin dhjetor të 2018, – thuhet në raportin e Aviacionit. – Arsyeja e numrit të ulët të vonesave apo anullimeve, lidhet me uljet e fluksit të lëvizjes së pasagjerëve drejt dhe nga Aeroporti Ndërkombëtar “Nënë Tereza”.
Sipas TIA, rezulton se kompania me numrin më të madh të vonesave ka qenë kompania “Fly Ernest” , me shtatë fluturime me vonesë, një prej tyre mbi 6 orë, dhe me 1 anullim fluturimi.
Kompania e dytë me më shumë vonesa renditet “Blue Panorama”, me vetëm 4 të tilla dhe asnjë anullim fluturimi. Një përformancë e përmirësuar ndjeshëm nga kjo kompani krahasuar më të njëjtën periudhë të vitit 2018.
Kompania e tretë është Adria Airëays me 1 vonesë dhe 1 anullim gjatë muajit Janar. Siç tregohet edhe nga të dhënat zyrtare kompania më problematike vijon të jenë “Fly Ernest”, me destinacione disa qytete të Italisë. Muajt në vijim pritet të jenë normalë, kjo e lidhur me uljen e përqindjes së lëvizjes së pasagjerëve.”
