Përdhunimi në grup i të miturës në Kavajës/ Deputetja: Skandal heshtja e institucioneve…

Dhurata Çupi, deputete e PD, dhe Kryetare e aleancës së grave parlamentare, ka reaguar mbi ngjarjen e rëndë të ndodhur në Kavajë, ku një adoleshente është përdhunuar në grup.

Çupi thekson se heshtja e institucioneve për makabritetin e Kavajës është skandaloze.

“I madh e i vogël është shokuar nga ngjarja e rëndë në Kavajë, ku një vajzë e mitur 13 vjecare është përdhunuar nga të paktën 8 adoleshentë.

Ngjarje që do të mbetet makthi i përjetshëm i asaj vajze të vogël, të mitur dhe të pambrojtur.

Ngjarje që trondit cilëndo nënë apo familjar.

Ngjarje që trondit shoqërinë.

Por kjo ngjarje është perceptuar si normale nga institucionet e këtij vendi, të cilat kanë heshtur duke mos nisur procedimin për këtë rast.

Ndonëse prej disa kohësh, prindërit të shokuar nga ajo që vajza e tyre ka përjetuar, e kanë denoncuar në organet kopetente. Askush nuk ka vepruar”, shkruan Çupi në një postim në rrjet.

LEXO EDHE  Ka mbi 7 muaj që jeton në çadër/ 12-vjeçarja apel prekës Ramës: Na ndërtoni shtëpi, jeta po bëhet shumë e vështirë

Sipas saj, institucionet e kanë lënë në tavolinën e harresës, këtë dëshmi- denoncim që u pluhuros dhe u la në hije pa u vënë re.

“Ky akt nuk mund të ketë asnjë shpjegim logjik, apo qoftë edhe njerëzor. Kjo  është fytyra e vërtetë e sjelljes së kësaj qeverie dhe institucioneve të menaxhuara prej saj në raport me të keqen.

Kjo sjellje është e turpshme, e pafalëshme.

Tashmë që gjithcka është bërë publike edhe  pa vullnetin e institucioneve , u bëj thirrje këtyre të fundit të zbatojnë ligjin për autorët e këtij krimi që kërkon ndëshkim.

Kjo qeveri mund të jetë mësuar duke e promovuar të keqen dhe ndaj nuk i bën përshtypje, por shqiptarët nuk mund të mësohen e të pranojnë krime të tilla”, thekson ajo.



PËRGJIGJU

Please enter your comment!
Please enter your name here