Ish-lideri i Lëvizjes Vetëvendosja në Kosovë Albin Kurti i është bashkuar këtë paradite grevës së pedagogëve te Fakulteti i Shkencave Sociale. Ish-organizatiri i protestave studentore në Kosovë në vitin 1997, shprehu mbështetjen e tij ndaj protestës studnetontore në Shqipëri.
“Protesta e studentëve e drejte kur pedagogët janë me ta. Në Kosovë, i kemi ndjekur protestat tuaja. Protestat janë kundër privilegjeve që kanë të pasurit. Ju bëj thirrje të keni organizim të konsoliduar”, tha mes të tjerash Albin Kurti gjatë fjalës së tij.
Protestën e studentëve dhe grevën e pedagogëve e cilësoi “ngjarjen më të bukur shoqërore” të ndodhur së fundmi në Shqipëri.
Kurti tha se si në Shqipëri, ashtu dhe në Kosovë janë krijuar klika mes radhëve të pushtetarëve, që i bashkon interesi.
“Ata janë pakica që janë shumë dhe ju jeni shumica që kanë pak. S’ka vend për kurrfarë pesimizmi. Ashtu duhet të jenë të këqinjtë, ata që janë pasuruar në mënyrë të paligjshme e të pandershme”, u shpreh ai.
Duke folur për idenë e shkëmbimit të territoreve mes Kosovës e Serbisë, ai shprehu edhe njëherë mendimin e tij kundër dhe hodhi akuza ndaj Presidentit të Kosovës Hashim Thaçi.
“Serbia na i ka shkatërruar shtëpitë në pranverën e 199-ës. Duhet ti themi mjaft këtyre oferta gjeneroze të kreut të shtetit të Kosovës ndaj Serbisë”, u shpreh ai.
/BN/
