Erjon Veliaj, kryebashkiak i Tiranës, u përfshi sot në një replikë në distancë me Presidentin, Ilir Meta, lidhur me propjektin e Unazës së Re.
Madje Veliaj i kërkonte Metës që të mos shfaqej si President anti-rrugë, duke sjellë kështu përplasjen e parë publike mes Kryebashkiakut dhe Presidentit, që herë pas here shfaqnin simpatinë dhe mbështetjen ndaj njëri-tjetrit.
Por përveç reagimit nga Presidenca, kundër Veliajt ka reaguar edhe deputeti i LSI-së, Endrit Braimllari.
“Erion Veliaj dhe Edi Rama, dy super hajdutë që kërkojnë të rrjepin çdo banorë të Tiranës dhe të shkatërrojnë çdo pronë të Tiranës për të ndërtuar kullat e tyre klienteliste.
Erion Veliaj dhe Edi Rama janë pjesë e një bande hajdutësh, e një bande e cila kërkon të rrjepë çdo qytetarë. Edi Rama ka ndërtuar në Unazën e Re projektin më korruptiv që ka pasur ndonjëherë Tirana.
Ju i keni çjerrë maskën dhe keni nxjerrë fytyrën e vërtetë të hajdutit. Është një hajdut. Nuk ka moral Edi Rama të flasë me për banorët e Unazës së Re. nuk ka moral të japë mesazhe për banorët e Unazës së Re sepse sot Edi Rama do duhet të ishte në burg.
Nëse ne do të kishim një sistem drejtësie të pavarur. Nuk duhet të jetë “Rama ik” por “Rama duhet të shkojë në burg”, ka deklaruar Braimllari.
Nuk dihet nëse ky qëndrim i Braimllarit ndaj Kryebashkiakut Veliaj do të vijojë edhe në ditët në vazhdim. Por ajo që mund të kosntatohet fare lehtë është qëndrimi që LSI ka pasur ndaj Veliajt, për të cilin nuk janë kursyer vlerësimet.
Pak javë më parë nga një studio televizive, Kryemadhi do të shprehej “Erion Veliaj mund të jetë edhe kryeministër para zgjedhjeve. S’mund të them që Erjon Veliaj s’ka punuar .
Opozita e ka shansin 100 për qind. Jo vetëm në Tiranë, por kudo. A e di ti sa qytetarë kanë makina në Tiranë? Ti që lëviz me makinë je i pasur, ata që lëvizin në këmbë janë të varfër. Unë që nuk kam makinë, e kam më kollaj të blejë një biçikletë. Kur dalim në studio televizive bërtasim për hallin tonë jo për njerëzit. Veliaj është një njeri që punon me një program, i cili i ka ecur”. /boldnews.al/
