Edhe pse për shqiptarët njihet si ‘Qyteti i Luleve’ në Elbasan nuk ka mbetur më thuajse asnjë bimë e gjelbërt që të mund të na kujtojë natyrën. Pretendimet e banorëve të këtij qyteti sigurisht që janë ulur përtej normales; sot ata thjeshtë po kërkojnë të kuptojnë se ku është dallimi midis një parku dhe rrugëve apo autostradave.
Parku i Elbasanit tashmë duket si një kantjerë ndërtimi ku në vend të luleve dhe pemëve gjen vetëm fadroma, puntorë dhe shumë beton duke mbuluar cdo pëllëmbë të këtij parku.
Sic duket edhe në galerinë me foto ekskluzive për redaksinë e Boldnews.al në Parkun e Elbasanit nuk ka më asnjë gjurmë natyre dhe gjelbërimi. Dhe nëse për natyrën nuk ka nevojë të paguash, për betonin në Elbasan u ‘sakrifikuan’ 3 miliardë lekë, buxhet që fare mirë mund të ishte përdorur për investime publike si çerdhe, kopshte, shkolla apo çdo nevojë tjetër në komunitet.
Banorët e këtij qyteti e kanë ngritur gjithnjë shqetësimin lidhur me betonizimin e një prej vendeve të pakta që kanë mbetur pa u mbuluar nga plhuri i ndërtimeve, por kërkesat dhe thirrja e tyre ka rënë në vesh të shurdhët. E megjithatë, ata nuk lodhen së përsërituri duke kërkuar të mos ndalohet menjëherë kjo masakër urbane.
Kërkesat e tyre i arashtruan edhe gjatë protestës së opozitës gjatë ditës së sotme, ku gjetën edhe mbështetjen dhe mirëkuptimin e përfaqësuesve të PD-së.
“Sot qytetet i luleve është kthyer në qytetin e ndrojtjeve dhe qytetarët po largohen nga Elbasani për shkak të sëmundjeve”, u shpreh këshilltari i opozitës, i cili bëri thirrje për pjesëmarrje në protestën e 16 shkurtit para kryeministrisë, e thirrur nga opozita. /Boldnews.al/
