Dy trafikues droge në Lewisham janë kapur nga Policia Britanike me një kilogram kokaine 92% të pastër. Florenc Kola, nga Woodland Street në Deptford si dhe Nasied Mitro i njohur gjithashtu si Nasied Sotra nga Honor Oak Park në Forest Hill, u dënuan nga Gjykata e Crown Maidstone më 31 janar të 2019. Dyshja e shumëpërfolur , ishin një nga 3 dyshe të tjera që kryenin të njëjtin akt në rrugët e Anglisë, e që më pas u dënuan me 6 vite burg secili.
Mendohet se ky grupim në dukje i ndarë i trafikantëve ka të bëjë edhe me një goditjeje nga autoritetet kur ndaluan tre burra nga Shqipëria të cilët po udhëtonin në një mjet Vauxhall Vectra me ngjyrë të zezë në Rochester gushtin e kaluar.
Kërkimet intensive të kryera nga zyrtarët e Agjencisë Kombëtare të Krimit (NCA) dhe Policia Metropolitane zbuluan një qese letre Primark që përmbante një kilogram kokainë. Mitro gjithashtu kishte £ 1, 320 të holla dhe dy telefonacelularë , ndërsa Kola kishte në posedim vetëm £ 400. Njeriu i tretë – Shpati Hakili, shumë i njohur në distriktin e Woodstock në Rochester – mohoi çdo lidhje dhe njohje me grupin e kokainës.
Shpati Hakili
Policia arriti në gjurmët e tyre pas një blerjeje që ata kryen në një qëndër tregtare. Atij iu sekuestrua malli në një qese Primark tek e cila kishin mbajtur blerjen e një palë pantallonave nga dyqani një javë më parë.
Një zëdhënëse për NCA tha se: “Kërkimet e mëtejshme nga oficerët e OCP, zbuluan gjithashtu se Kola dhe Mitro qëndronin në mënyrë ilegale në Britaninë e Madhe duke mos pasur asnjë mjet identifikimi. Ndërsa Mitro lëvizte me një patentë fallco greke”
Të dy Kola dhe Mitro do të deportohen në përfundim të afatit të paraburgimit.
Sipas njoftimit të Policisë ky aksion ka bërë të mundur shpërbërjen e një bande të cilët prej kohësh trafikonin kokainë dhe heroinë të pastër në rrugët e Anglisë. /Boldnews.al/
