Ndonjëherë ndarja e një çifti ka vetëm një arsye. Nuk ishim për njëri-tjetrin. Është një frazë qe përdoret shpesh, kur dashuri të cilat mendoheshin si të vërteta, shndërrohen në asgjë…
Jed Diamond, një psikolog i njohur, ka arritur në një konkluzion pas 40 vitesh kërkimesh klinike, se shumica e njerëzve në fakt arrijnë ta gjejnë dashurinë e vërtetë në jetën e tyre. Por, problemi është se nuk ia dalin dot t’i kalojnë të pesta fazat e dashurisë, dhe përgjithësisht arrijnë vetëm tek e treta. Ja cilat janë ato.
1. Të biesh në dashuri
Kjo është faza e parë, ajo e ëmbla, kur ciftet kanë më shumë se një vit lidhje, por duken shumë të lumtur pranë njëri tjetrit dhe mjaft të dashuruar.
Por çfarë do të thotë të biesh në dashuri?Të biesh në dashuri është faza kur e sheh veten tek jeton mes një reje hormonesh të lumtura.
Është koha kur i projekton të gjitha dëshirat dhe shpresat tek partneri.
Ai/ajo bëhet me shpejtësi njeriu ideal; nuk ka asnjë lloj defekti në sytë e tu.
Ti beson se ai/ajo do të jetë në gjendje gjithmonë të plotësojë çdo dëshirë, dhe ti beson çdo fjalë që ai thotë.
Besimi në dashurinë e vërtetë të bën që të mos dëgjosh asnjë zë skeptik në këtë moment.
2. Të bëhesh çift
Aktori George Clooney dhe avokatja Amal Alamuddin kurorëzuan dashurinë e tyre në shtator të vitit 2014 në një ceromoni të mbajtur në Venecia të Italisë.
Në këtë fazë dashuria bëhet më e fortë, ku sapo je martuar, por nuk ke kaluar mbi 7-8 vjet.
Filloni ta njihni njëri-tjetrin më mirë dhe prezenca juaj nis të ketë efekt në të gjitha aspektet e jetës së partnerit. Kjo është koha e bashkimit dhe lumturisë.
Në një pikë të caktuar, pas pak vitesh bashkëjetesë, kjo fazë mund të shoqërohet me ardhjen në jetë të një fëmijë, që vetëm sa e forcon më tepër lidhjen mes jush. Ndiheni të mbrojtur dhe të dëshiruar.
Dhe, beson se përfundimisht ke gjetur njeriun që bën për ty – se lidhja jote është vendosur nga fati.
3. Zhgënjimi
Ndarja e çiftit të famshëm, Angelina Jolisë dhe Bratt Pitt-it ishte një lajm që i tronditi të gjithë.
Ata kishin 12 vite bashkë.Raporti i tyre kishte nisur në vitin 20o4 dhe në vitin 2014 kurorëzuan dashurinë e tyre.
Bashkë kanë edhe 6 fëmijë! Kjo është periudha kur shpresat tuaja nisin të thërrmohen.Momenti kur të duket sikur ndjenjat e tua mund të zhduken për të mos u kthyer më.
Partneri të duket i paparashikueshëm dhe sjellja e tij të mërzit në mënyra të ndryshme.Nis të ndiesh se do të shkëputesh prej tij ose i thua vetes se nuk është njeriu i duhur për ty. Të duket se nuk ka asnjë arsye të torturosh veten dhe partnerin në një marrëdhënie që nuk ka të ardhme.
4. Të krijosh një dashuri të vërtetë e të qëndrueshme
Këngëtarja Pink dhe Carey Hart janë shembulli konkret për këtë fazë. Ata u ndanë në vitin 2008 sepse Carey Hart e tradhëtoi atë, por në vitin 2010 ata u ribashkuan.
Bashkë kanë edhe një vajzë.Nëse i mbyll sytë dhe përpiqesh të kalosh të gjitha pengesat në lidhjen tënde, mund të mbërrish në këtë fazë.Mendja jote tashmë është e lirë nga iluzionet të cilat i kishe projektuar tek partneri yt në fazat pararendëse. Personi që qëndron përballë teje nuk është ai me të cilin imagjinoje të ishe, por është një person real.Ti i pranon, dhe ç’është më e rëndësishmja, i kupton të metat e tij. Tani është momenti të shërohesh dhe të kalosh në fazën tjetër.
5. Të përdorësh fuqinë e dy njerëzve për të ndryshuar botën
Hillary dhe Bill Klinton janë padyshim çifti më i suksesshëm.
Më 11 tetor të 2018-s, festuan 43-vjetorin e tyre. Hillary Klinton ka qene kandidate për presidente, ndërsa Bill Klinton është ish-president i Amerikës.
Padyshim janë një çift mjaft me influencë, jo vetëm në Amerikë, por edhe në botë.
Tani që e ke kuptuar se ke mësuar të kapërcesh mosmarrëveshjet dhe duke gjetur një lidhje të thellë, të fortë e të qëndrueshme, do të arrish në një përfundim edhe më çliruese: se të dy ju keni fuqinë për të ndryshuar diçka në këtë botë. Nuk do të jetoni së bashku vetëm për hir të njeri-tjetrit, por do të bëni një jetë në çift për hir të një kauze më të madhe.
Mund të jetë që punoni bashkë, shkruani bashkë, krijoni diçka bashkë – mund të jetë gjithçka.
