Ish-misi shqiptare Suada Sherifi u përfol shumë në media pas ngjarjes në ish-Bllok, më 4 tetor 2018, ku mbeti i vrarë Fabiol Gaxha dhe u plagos Eljo Hato dhe Ervis Martinaj.
Pak kohë pas ngjarjes në fjalë, kur mediat njoftuan se bashkëshorti i Suadës, Eldi Dizdari, ishte personi kyç në ngjarje, si i implikuar, ajo u zhduk për rreth 2 muaj nga rrjeti social Instagram, ndërkohë së fundmi ka vendosur të thyejë heshtjen.
E ftuar në emisionin “Thumb”, i drejtuar nga Fatma dhe Aulona, Sherifi u shpreh se është penduar që e ka bërë publike lidhjen me partnerin e saj:
“Sa gabim kam bërë që e kam bërë publik. Ai ishte thjesht një kalimtar në rrugë kur ndodhi kur ndodhi një ngjarje shumë e rëndë dhe ai vetëm se ishte bashkëshorti im mori ngjyra të tjera. Unë u ndjeva keq sepse në çdo gjë përflitej ai ishte bashkëshorti im!”
Pas ngjarjes së rëndë, partneri i bukuroshes, biznesmeni Dizdari u thirr për të dëshmuar dhe e gjitha kjo për Suadën ka qenë një situatë e vështirë!
