Aleksandro Mata, i njohur ndryshe edhe si Eno Mata, është 32-vjeçari shqiptar i cili një vit më parë është shpallur i kërkuar nga Policia Greke për vrasjen e avokatit grek Mixaleis Zafeiropoulos. Ngjarja ka ndodhur në Tetor të vitit 2017 në Athinë, ku Mata dyshohet se është një nga dy ekzekutuesit e avokatit.
Por, vetëm disa ditë më parë, i shumëkërkuari ka dalë sërish në skenë duke u bërë protagonist i një vjedhjeje me armë në një prej argjendarive të Athinës.
Mediat greke bëjnë me dije se Eno Mata ka marrë pjesë në grabitjen e një argjendarie në lagjen “Ambelokipi” të Athinës. Ai dhe bashkëpunëtori i tij sulmuan argjendarinë dhe nën kërcënimin e armës morën bizhuteri. Në fakt, ka qenë pikërisht shqiptari Eno Mata që goditi edhe vajzën e pronarit të argjendarisë.
https://www.dailymotion.com/video/x71ppfm
Më pas u arratisën me një makinë që dyshohet se ishte e vjedhur. Ai është filmuar nga kamerat e sigurisë së biznesit dhe është identifikuar nga ana e hetuesve grekë, të cilët tashmë po e kërkojnë prej më shumë se një viti.
