Ministrja e Arsimit pritet me revoltë nga stundetët e Shkodrës.
Besa Shahini, ka takuar pasditen e sotme senatin e Universitetit të Shkodrës “Luigj Gurakuqi”.
Burime renda Senatit bëjnë me dije se gjatë takimit që zgjati rreth 40 minuta, pedagogët kanë kundërshtuar diskutimin e nisur për “Paktin e Universitetit”.
“Janë marrë vendime pa u konsultuar me ne dhe nuk kemi pasur asnjë mbledhje apo diskutim.Kërkojmë që nga ana juaj të punohet për të ulur studentët në auditore dhe për të nisur diskutimet”, mësohet ti kenë thënë pedagogët-Ministres.
Pas takimit me Senatin, Ministrja Shahini iu drejtua sallës për të takuar studentët. Studentë thanë se nuk pranuan që takimi të bëhej pa media.
Në këto kushte Shahini u largua, teksa studentët thërrisnin në kor ‘Turp’!
Për këtë situatë ka reaguar dhe vetë Ministrja Shahini në një postim në Facebook, ku pretendon të kundërtën: “Keqardhje ndaj dhjetra studentëve të Universitetit të Shkodrës që më kishin kërkuar takim për të diskutuar për #paktinpëruniversitetin me kushtin që takimi të bëhet pa media, e që nuk erdhën sepse salla ishte mbushur me kamera. Jam në dispozicion për takim tjeter kurdoherë”.