Afrimi i të huajve në ekipet e Superligës Shqiptare është kthyer në një problem pasi lejohen vetëm 4 të aktivizojnë në fushën e lojës.
Këtë sezon, këtë problem e has më së shumti ekipi i Skënderbeut pasi ka në përbërje 8 ekstrakomunitarë. Është parë si zgjidhje që dy nga frimet e janarit, Taipi me Asanin (që janë momentalisht të pajisur me pasaporta serbe) të aplikojnë për nënshtetësinë e dytë. I pari ka filluar procedurat për t’u pajisur me pasaportë maqedonase, ndërsa i dyti me atë kosovare.
Por, duke parë që procedurat mund të zgjasin shumë dhe koha nuk pret, kanë menduar që Marko Radas të marrë nënshtetësinë shqiptare dhe mbrojtësi kroat ka qenë i gatshëm për këtë. Qendërmbrojtësi është një titullar i padiskutueshëm në ekipin korçar dhe paisja me pasaportë shqiptare do të ishte një problem më pak për trajnerin Orges Shehi.
