Abderrazak Zorgui, një gazetar i ri tunizian nga Telvza TV, bëri vetëvrasje për të protestuar kundër kushteve të pasigurta të punës në vendin e tij.
Pak para se t’i vinte vetes zjarrin në sheshin e Dëshmorëve në Kasserine, ai postoi një video në Facebook, përmes të cilët shpjegon arsyet e gjestit të tij.
https://www.youtube.com/watch?v=BkVTsGKl3xg
Në video, ai bëri një apel për të papunët në rajon, duke u kërkuar të dalin në rrugë për të kërkuar të drejtat e tyre për punë dhe një të ardhme më të mirë.
Qindra të rinj dolën në rrugë pas lajmit të vdekjes së gazetarit dhe policia ka luftuar për të rivendosur qetësinë në zonë. Ai tha në video se 8 vjet pas revolucionit në vend, situata ka ndryshuar shumë pak.
Pas ngjarjes, Bashkimi i Gazetarëve në Tunizi, paralajmëroi mundësinë për një grevë të përgjithshme. Për grupimin, është shteti që “ka kontribuar në përhapjen e korrupsionit dhe të parave të dyshimta në sektorin e medias duke e nënshtruar atë me interesa të caktuara”.
Shteti tunizian gjithashtu, sipas njoftimit për shtyp, ka dështuar të kontrollojë mediat dhe përputhjen e tyre me ligjet e punës në dëm të gazetarëve.
Rasti i reporterit është i ngjashëm me atë të shitësit të rrugës, Mohamed Bouazizi i cili në shenjë proteste për konfiskimin e mallrave, i vuri zjarrin vetes më 17 dhjetor 2010. Ai vdqi në sheshin ” Sidi Bouzid” çka solli më pas një seri protestash popullore duke shkaktuar “Revolucionin jasemin”, duke detyruar një muaj më vonë, Presidentin Ben Ali të largohej nga vendit.
Gjendja socio-ekonomike të rajoneve të margjinalizuara të Tunizisë qendrore dhe jugore, pas tetë viteve premtime të pa mbajtura, situata ka mbetur pothuajse e njëjtë me papunësinë e të rinjve në rreth 30%.