PD bën 28 vjet, Basha: Po jetojmë “Dhjetorin e Dytë”, nuk është vetëm çështje tarifash, por zgjim i revoltës popullore kundër Ramës (VIDEO)

Nga ceremonia festive për 28-vjetorin e themelimit të Partisë Demokratike, Lulzim Basha u shpreh se vendi po përjeton të ashtuquajturin “Dhjetor i Dytë”.

Përpara themeluesve, anëtarëve dhe mbështetësve demokratë në hollin e selisë blu në kryeqytet, Basha u shpreh se protesta e studentëve e nisur një javë më parë nuk është thjesht çështje e tarifave të studimeve, por zgjim i guximit dhe kurajos së çdo qytetari për t’u përballur me qeverinë.

“Po jetojmë “Dhjetorin e Dytë”, ku shpirti rinor shqiptar zgjoi dritën e shpresës për shqiptarët. Kjo lëvizje është shumë më shumë se tarifat univesitare, është armatosja me guxim dhe kurajo për çdo qytetar shqiptar që të mos heshtin kurrë më kur qeveria i mashtron, iu merr bukën në tavolina, iu merr shtëpinë dhe më pas tallet me ta.

Shqipëria e 1990 dhe Shqipëria e 2018 janë shumë larg njëra-tjetrës por kanë shumë të përbashkëta. Në 1990 shqiptarët po iokni na sytë këmbët, 28 vite më vonë Shqipëria është nën qeverisjen e një politke të kalbur që iu vret shpresën dhe i ka shtyrë në arrati njësoj si 28 vite më parë”, u shpreh Basha.

LEXO EDHE  Basha në Lezhë: Për pallatin 12 katësh duhet ekspertizë serioze

PËRGJIGJU

Please enter your comment!
Please enter your name here