Kryesia e Sindikatave të Punonjësve të Universiteteve të Shqipërisë (SPUSH) u është bashkuar shqetësimit të studentëve mbi tarifat dhe pagesat suplementare që detyrohet të paguajnë familjet shqiptare, sipas tyre në kushtet e një gjendje të rëndë ekonomike.
Sipas SPUSH, gjendja nuk rregullohet vetëm me anulimin e një pike, por ka nevojë të adresohet në mënyrë të thelluar duke ndërhyrë deri në amendimet të Ligjit për Arsimin e Lartë dhe akteve të tjera nënligjore.
Më tej në deklaratëen e SPUSH, thuhet se duke marrë mendimet e pedagogëve dhe studentëve janë rreshtuar një sërë shqetësimesh dhe problematikash kryesore të cilat do tu adresohen autoriteteve.
