Lindita Nikolla është emëruar në postin e ministres së Arsimit që në vitin 2013-të, kur Partia Socialiste erdhi në pushtet me programin e saj të “Rilindjes”. Ndonëse kanë kaluar pesë vite, në mendjen e njerëzve qëndrojnë ende të freskëta premtimet e socialistëve për arsim falas, shëndetësi falas, ulje të çmimit të naftës, etj.
Por pas pesë vitesh në postin e ministres, Lindita Nikolla e ka kuptuar se nuk mund ta realizojë arsimin falas.
Në emisionin ‘Open’, Nikolla u shpreh: “Arsim falas? Po ku do t’i gjejmë këto para? Të rrisim taksat? Jo.”
Ministrja e Arsimit theksoi se përgjatë këtyre viteve nuk ka asnjë rritje në tarifat që paguajnë studentët në të gjitha universitetet e vendit.