Deputetja e Prtisë Demokratike Oriola Pampuri e ftuar në emisionin “Natë me Xhaxhiun” ka folur për projektin e Unazëës së Re, që referuar edhe skandalit të fundit të publikuar në media lidhur me kompaninë Dunëell Haberman, e cila është fituese e lotit të parë prej 18 milionë euro për rindërtimin e Unazës së Madhe, un shpreh se është një projekt korruptiv.
Madje, Pampuri tha se jo vetëm Partia Demokratike por edhe banorët e Unazës së Re I kishin kërkuar ARRSH-së projektin për Unazën e Madhe që prekte shtëpitë e tyre, por nuk kishin marrë asnjë përgjigje, dhe që këtu fillon ana e errët e këtij projekti.
“Edhe në biseda që kam patur me banorët e Unazës së Re, më kanë thënë që i kanë kërkuar ARRSH-së që t’u tregojë projektin, por nuk kanë marrë asnjë përgjigje, dhe pastaj vijmë tek ky skandal”, u shpreh Pampuri.
Ajo deklaroi se i mbështet banorët e Unazës së Re pasi kauza e tyre është e drejtë. “Unë jam deputete e qarkut të Tiranës, dhe i kam mbështetur se mendoj se kauza e tyre është e drejtë”, u shpreh Pampuri ndër të tjera.
Sa i përket protestës së studentëve, Pampuri tha se u ndje jashtëzakonisht e kënaqur pasi kur studentët protestojnë tregon që ka shpresë për një arsim më të mirë dhe cilësor në të ardhmen. Ajo tha se nëse qeveria nuk u plotëson atyre edhe tre kërkesat e tjera veç heqjes së VKM-së, studentët nuk do tërhiqen. Gjithashtu deputetja demokrate theksoi se studentët kanë nevojë dhe për shumë gjëra të tjera por nuk e kanë ngritur sërin deri tani se nuk kanë pasur mundësi si pasojë e sistemit të centralizuar që ka implementuar qeveria.
“U ndjeva jashtëzakonisht e kënaqur, nuk e kam politizuar asnjëherë auditorin por kam diskutuar për problemet e tyre. Nëse unë dua të mbart një provim nuk kam pse të paguaj, shumë student punojnë. Nëse këta student çohen për të përmirësuar arsimin, kjo është shpresë se do kemi një arsim të mirë pas disa vitesh. Studentët kanë paraqitur 4 kërkesa hiq njërën që u plotësua, edhe tek tre të tjerat do këmbngulin fortë. Unë jam e bindur se kanë nevojë për shumë gjëra të tjera. Dhe kush është në auditor e dinë këtë por nuk kanë mundësi të kenë zë se kjo qeveri e ka çuar sistemin drejt centralizimit”, u shpreh ndër të tjera deputetja e PD-së.
