Greqia është kthyer në një vatër kaosi nëpër stadiume. Rasti më i fundit u shënua në takimin e Ligës së Kampionëve mes AEK Athinë dhe Ajax. Në prag të nisjes së duelit të Grupit E një bombë me benzinë shpërtheu brenda stadiumit.
Ajax viert feest in Athene. Na een gekke avond met vuurwerkbommen, ongeregeldheden en een 0-2 winst op AEK. #aekaja pic.twitter.com/4mkVCOwmfa
— Daniel Dwarswaard (@DanielDwars) November 27, 2018
Objekt i sulmit ishin tifozët holandez, të cilët pësuan lëndime të rënda. Pas këtij episodi të frikshëm, policia shpërndau tifozët vendas, të cilët hodhën shishe plastike dhe objekte të tjera drejt tifozëve të Ajax. Sipas mediave greke, asnjë protagonist nuk përfundoi në prangat e policisë.
Autoritetet arritën të qetësonin situatën në kohë, duke bërë që ndeshja të vijonte normalisht. Edhe në pjesën e dytë u dëgjuan shpërthime fishekzjarresh, shumë pranë tribunave ku ndodheshin miqtë. Ndarja me tela mes tyre e fushës dhe barrierat prej xhami i pengonin ata që të iknin.