Gjuajti Ramën me këpucë/ Flet e shoqja: Policia më dhunoi barbarisht burrin dhe fëmijët, spitali zhduku kartelat

Flet bashkëshortja e Ilias Sketiraj, i cili u arrestua pasi akuzohet se gjuajti kryeministrin Edi Rama me këpucë, teksa vizitoi efektiven e plagosur në protestën e së enjtes, Ina Nukën te Spitali i Traumës në Laprakë.

Në një prononcim për ‘News 24’, e shoqja tregon se ai ishte i revoltuar që kur në 2014-ën u dhunua barbarisht bashkë me fëmijët e saj nga punonjësit e policisë.

“Policia më ka dhunuar në mënyrë barbare burrin dhe fëmijët që në 2014. Burrit i thyen krahun, kurse fëmijët i gjakosën e u shkaktuan fraktura në fytyrë. Kur shkuam në spital, ata kishin zhdukur kartelat e fëmijëve”, shprehet gruaja, e cila e dëshmon edhe me foto të fëmijëve të lënduar.

“Kemi mbi 20 vjet në këtë zonë, kemi paguar taksa dhe jemi në proces legalizimi. Do ta mbrojmë me gjak shtëpinë. Do i mbrojmë me gjak, do japim edhe jetën”, shprehet gruaja e revoltuar, në protestën e banorëve të Astirit, që aktualisht është zhvendosur para Gjykatës së Krimeve të Rënda, pasi po zhvillohet seanca për 11 të arrestuarit e protestës, ku mbetën të plagosur 13 efektivë policie, mes tyre edhe Ina Nuku.

Konkretisht për Ilias Sketirajn, Prokuroria ka kërkuar ‘arrest me burg’.

PËRGJIGJU

Please enter your comment!
Please enter your name here