Kryetari i Partisë Demokratike Lulzim Basha, mori pjesë në Forumin Kombëtar “Studentët për qeverisjen e mirë”.
Gjatë fjalës së tij, kryedemokrati u shpreh se me qeverinë e tij, çdo i ri do të ndjekë studimet e larta edhe nëse nuk paguan kuotat.
Ai ka kritikuar qeverinë lidhur me politikat arsimore, pasi sipas tij tarifat për studentët janë shumë të larta, ndërkohë që ka akoma familje që konsumojnë një vakt.
Më tej ai u shpreh se qeveria në çdo hap duhet të jetë transparente me popullin, ndërsa tha se shteti do të paguajë çdo shpenzim të studentëve.
Basha u bëri thirrje rinisë që të ngrihen kur gjithpërfshirja është në rrezik.
