Pas humbjes së thellë ndaj Skocisë në “stadiumin “Loro Boriçi” të Shkodrës, nuk kanë fund problemet për kombëtaren tonë të futbollit, në prag të miqësores së nesërme me Uellsin.
Ndërsa flitet se trajneri italian Kristian Panucci, mund të shkarkohet, kombëtrja “goditet” nga mungesat. Përveç kapitenit Mërgim Mavraj, i cili do të mungojë në ndeshjen e nesërme për shkak të kartonit të kuq, sot janë larguar nga grumbullimi edhe 3 lojtarë të tjerë.
Berat Xhimshiti dhe Egzon Binaku janë dy titullarët që do ua ndjejë mungesën trajneri italian, të dy kanë pësuar dëmtim.
I dëmtuar është larguar edhe Emanuele Ndoj, për këtë ai do të humbasë ndeshjen e nesërme.
Por pas gjithë këtyre lajmeve të këqija për Shqipërinë dhe repartin e mbrojtjes, lajmi i mirë është se do të rikthehen Elseid Hysaj dhe Migjen Basha, të cilët ishin të pezulluar ndeshjen e kaluar për shkak kartonësh.
