Portieri i Milanit, Gianluigi Donnarumma është shprehur i lumtur për takimin me Ronaldon.
I pyetur për bisedën që kishin bërë ndërmjet tyre ai u përgjigj se kishte turp për të folur përballë 5 herë fituesit të “Topit të Artë”.
“Takimi me të ka qenë një ndjenjë shumë e mirë. Unë gjithmonë kam luajtur kundër tij në Playstation”, ka thënë portieri italian i Milanit.
“Për çfarë biseduam ne? Asgjë, më vinte shumë turp”.
Kujtojmë që javën e kaluar Juventusi fitoi 2-0 përballjen ndaj Milanit në “San Siro”.