Pas ndeshjes me Luftëtarin, ku u mund me përmbysje me rezultatin 2-1, trajneri i Tiranës, Ardian Mema, u shpreh mjaft i zhgënjyer në intervistën e tij për Supersport.
Çmenduri në minutën e 90, shënohet goli i përmbysjes në Luftëtari-Tirana
U bë gjatë gjithë kohës që flasim për anën psikologjike, por ekipi tregon se ka mundësi për të shënuar, për të luajtur mirë. Por, nuk e di arsyen pse pësojmë, dhe jemi të papërqendruar. Kam qenë nervoz në momentet se si jemi vendosur në goditjet standarde. Nuk mund të bëjmë kështu gabimesh ekipi i parë i Tiranës.
Për mbijetesë…
E vërtetë, Tirana është për mbijetesë. Momentalisht nuk mund të llogarisim asnjë gjë. Klasifikimi e tregon. Kur pësojmë 2 gola të tillë, as vetë nuk e di çfarë të them. Mendoj se mund të jetë ndeshja ime e fundit kjo. Do flas me drejtuesit, do diskutojmë për këtë gjendje.
Tirana duhet të luajë pak “pisët” për të marrë këtë 3 pikësh…
E vërtetë, por gjithë lojtarët luajnë në fushë. Ne nuk jemi tipa që i mësojmë pisët lojtarët. Sot, edhe lojtarët mund të veprojnë sipas rastit, të vonojnë lojën apo diçka e tillë, por ne si drejtues nuk e mësojmë këtë gjë. Kemi pasur shumë gjëra për të diskutuar, e kotë të merremi me gjëra të tilla.
Erdhët me shpresën për të ndryshuar, e kishit menduar se do ishit kaq keq, saqë tani edhe ju meditoni largimin?
E para, më thuaj për rezultatet, jo për lojën. Kemi bërë paraqitje të mira. Ky është një moment shumë i vështirë, qoftë për mua, qoftë për ekipin.
