Barcelona pret të mërkurën Interin në “Camp Nou” në një sfidë që e ka humbur pak shkëlqimin për shkak të mungesës së Leo Messit. Por ka qenë vetë klubi katalanas që i ka bërë gjërat edhe më emocionuese duke postuar një video të periudhës kur sulmuesi i Interit, Mauro Icardi, luante me ta.
Tashmë kapiten i Interit, argjentinasi ka qenë pjesë e akademisë së Barcelonës në periudhën 2008-2011 duke luajtur për skuadrën B U-18 e më pas në atë A. Në një video të postuar në Twitter, Barcelona e ka uruar Icardin për rikthimin në “Camp Nou” duke publikuar golat që ai ka shënuar në atë periudhë.
Pasi u huazua te Sampdoria në vitin 2011, Icardi u shit përfundimisht atje e dy vjet më pas u ble nga Interi, ku vetëm ka shkëlqyer, duke shënuar 113 gola në 191 ndeshje.
https://twitter.com/FCBarcelona_es/status/1054530547819655169
Karriera e Mauro Icardi
Me skuadrat e të rinjve:
2002-2008: Vecindario
2008-2011: Barcelona
2011-2012: Sampdoria
Me skuadrat e para
2012-2013: Sampdoria, 33 ndeshje në 11 gola
2013-e në vazhdim: Inter Milan, 191 ndeshje, 113 gola