Ka nisur protesta para kryeministrisë për rastin e Xhisiela Malokut e cila u dhunua nga Rexhep Rraja, djali i deputetit të PS-së Rraman Rraja.
Qytetarë, anëtarë të shoqërisë civile, aktivistë dhe gra deputete nga kampi opozitar kanë marshur tek kryeministria për të dhënë mesazh të fortë kundër dhunës ndaj femrave.
Ata kanë bërë thirrje që të ndalet dhunë, ndërsa kanë shigjetuar në kritikë të ashpra ndaj kryeministrit Rama, qeverinë dhe politikën në tërësi e cila mbron sipas tyre të fortët dhe jo qytetarëve.
“Rexhep Rraja ka bërë ato që bën çdo i fortë, Rraman Rraja atë që bën cdo i fortë, kryeministri atë që bën çdo i fortë. Është politika që e mbrojti Rexhep Rrajën”, tha njëra nga aktivistet.
Në nisje të kësaj proteste, anëtarja e shoqërisë civile, gjatë fjalës së saj u bëri thirrje qytetarëve të sabotojnë OSBE në Twitter dhe në çdo rrjet social, pasi sipas saj në një lajm të shpërndarë nga zyrat e saj, u tha se këtë protestë e ka organizuar opozita dhe jo shoqëria civile.
“Kjo protestë është organizuar nga shoqëria civile dhe të gjithë të tjerët i janë bashkuar më pas me dëshirë…. Sabotoni OSBE, sepse diplomatët nuk mund të tallen me ne, as me dinjitetin e as me kurajon tonë.
Rraja ka rrahur e përdhunuar pa pësuar gjë sepse ai është i fortë. Dhe pushteti është i të fortëve, i maskarenjve… të fortët janë kudo “, tha ajo.
Ndërkohë nga protestuesit janë dëgjuar ovacione “Rama ik! Rama ik!” dhe “qeveri e krimit”.
Një tjetër aktiviste tha se si Xhisiela ka shumë në Shqipëri, por sot në vendin tonë është koha e të fortëve dhe ndaj ndodhin të tilla raste.
