“Dhuna dhe krimi vazhdon mbi viktimën! E nxjerrin ne media te deklaroje se është djegur vete me cigare…”, shprehet në një shënim në Facebook, nënkryetari i PD-së Edi Paloka. Reagimi vjen pas intervistës në media të Xhisielës.
“Nuk ka asgje per tu habitur me kete makabritet qe vijon. Mjafton te shohesh se ke ka perballe vajza … e nuk e kam fjalen per Rrahmanin po per monstren qe ka mbledhur dhe ju ka dhene pushtet rrahmaneve”, vijon Paloka.
Vokshi: Tmerr!! Në c’vend jetojmë…
Pas intervistës ka reaguar edhe Albana Vokshi, deputete e PD-së.
“Tmerr!! Në c’vend jetojmë kur viktima, edhe në urdhër mbrojtje, vazhdon të dhunohet. Madje e detyrojnë të fajësojë veten, sepse kriminelët e vërtetë mbrohen nga Rama. Ndihma që mund t’i japim secili, është të ngremë zërin ne për të”, shkruan Vokshi në një postim në Facebook.
Intervista
Në lidhje me aktin e ekspertizës që thotë se ka shenja dhune në trupin e Xhisielës, vajza tha në një intervistë televizive se shenjat në shpatull janë të vjetra, nga një aksident i mëparshëm.
“Unë nuk e kam lexuar atë ekspertizë, por shenjat në shpatull janë të një aksidenti që kam bërë në Patos. Makina është dërguar në varreza. Unë kam shenjë cigare edhe në vende të tjera sepse sa herë që ziheshim, digjnim veten. Edhe Rexhepin po ta shikonim, ka dhe ai shenja cigaresh. Nga nervat i bëjmë vetë. Absolutisht nuk po e justifikoj Rexhepin, nuk jam nën presion dhe as nën kërcënim. Nuk e kam pranuar mbrojtjen e prokurorisë. E gjithë kjo është bërë vetëm për një zënkë xhelozie. Nuk më ka djegur me cigare dhe nuk më ka kërcënuar me pistoletë. Thjesht më ka goditur me shuplakë. Nuk e di pse ish-oficeri i policisë më ka nxjerrë mua në media dhe po përdor njerëzit e pafajshëm, duke nisur nga babai i Rexhepit, deputeti Rrahman Rraja”, u shpreh Xhisiela.