Deputeti i Partisë Demokratike për qarkun e Shkodrës, Bardh Spahia iu është bashkuar reagimeve pas arrestimit të 9 mjekëve dhe infermierëve në spitalin e këtij qyteti. Përmes një mesazhi në ‘Facebook’, Spahia ka dënuar këtë masë të marrë ndaj mjekëve, ndërsa shton se ish-ministri i Shëndetësisë Ilir Beqaj është i lirë dhe në Kuvend.
Teksa nuk kursen akuzat për Beqajn, deputeti demokrat shton se ai shpiku ‘formën më spektakolare te vjedhjes në shëndetësi që sipas tij është partneriteti publik-privat.
Mes të tjerash deputeti i PD-së tha se mjeket e arrestuar nuk janë veçse një alibi mediokre për të fshehur burimin e vërtete të kësaj afere korruptive nga ana e Ministrisë së Shëndetësisë.
REAGIMI I SPAHIAS
Akuzohen mjeket dhe arrestohen per abuzime, ne nje kohe kur simboli i shkaterrimit te shendetesise shqiptare Ilir Beqja, eshte ende i lire e madje ne parlament. Njeriu qe shpiku formen me spektakolare te vjedhjes ne shendetesi, PPP , per te cilat opozita ka bere me qindra denoncime publike dhe nje padi ne prokurori, vazhdon te sfidoje me mandatin e deputetit cdo mjek te ndershem qe nuk ka medikamente ne perdorim per pacientin e tij, cdo te semure qe eshte endur spitaleve pa barnat e kimioterapise. Sigurisht qe Beqes nuk mund ti hynte gjemb ne kembe sepse eshte vetem nje zbatues i devotshem i vizionit te mbrapshte te Rames per shendetesine publike. Dhe e keqja ne shendetsi vazhdon. Ministrja e rradhes sigurisht qe vetem do thellonte abuzimet dhe mungesat ne shendetesi duke i shkaktuar nje dem buxhetit te shtetit prej 10 milion euro ne vit vetem nga vonesa e listes se barnave.
Si profesionist i fushes e shoh me shqetesim pasojen e ketij “aksioni te bujshem ” te prokurorise se Shkodres, faktin qe sot Spitali Rajonal i Shkodres eshte praktikisht i pamundur te ofroje sherbim per qytetaret shkodrane dhe me gjere.
Mjeket e arrestuar nuk jane vecse nje alibi mediokre per te fshehur burimin e vertete te kesaj afere korruptive, Ministrine e Shendetesise e cila kurrsesi nuk duhej te aprovonte blerjen e pajisjeve mjekesore ne nje kohe qe dinte mire gjendjen aktuale dhe aktivitetin mujor te repartit te hemodinamikes ne spitalin e Shkodres. Asnje farse e ideuar nga Rama dhe ministrja e tij nuk e permirsojne dot imazhin e shemtuar te “shendetesise falas”.
