Mediat maqedonase raportojnë se Shkupi ka miratuar nevojën për vendosje të kontrollit të përbashkët doganor me Shqipërinë në vendkalimin kufitar Qafë Thanë. “Drejtoria e doganave nëpërmjet Ministrisë së Jashtme të Maqedonisë ka zhvilluar bisedimet me Qeverisë shqiptare, duke arritur marrëveshje për kontroll të përbashkët brenda 15 ditëve“, raportojnë mediat maqedonase.
Nga Qeveria e Maqedonisë bënë të ditur se tani në fazë është krijimi i delegacioneve të cilat do të nënshkruajnë marrëveshjen me qëllim që e njëjta të hyjë në fuqi sa më shpejt.
Ky projekt pritet që të lehtësojë tregtinë në mes dy vendeve the procesin e kalimit kufitarë. I njëjti pritet që të ketë ndikim pozitiv edhe në rritjen e këmbimit tregtarë mes dy shteteve fqinje. Pak ditë më parë Maqedonia konkretizoi marrëveshjen e “One Stop Shop” në pikën e kalimit kufitar me Serbinë. Ndërsa nga janari i vitit të ardhshëm edhe Shqipëria me Kosovën do kenë doganë të përbashkët në Morinë.
