Një grua shqiptare e përfshirë në furnizimin me shumicë të drogës të llojit kokainë është burgosur për shtatë vjet. Marsela Kreka, e njohur edhe si Maria Danciu (identitet rumun), 28-vjeç, u kap me 1 kg kokainë në makinën e saj dhe dëshmitë treguan se ajo kishte ishte e përfshirë në trafikun e drogës ndërmjet 27 majit 2016 dhe 2 qershorit 2016.
Më 3 korrik 2017, ajo u gjet fajtore për një akuzë për furnizimin me kokainë dhe një akuzë për posedim mjetesh identifikimi të rreme dhe u dënua me 7 vite burgim në Old Bailey.
Megjithatë, dënimi u shfuqizua më 28 mars të këtij viti pasi Gjykata e Apelit vendosi se gjykata më e ulët kishte bërë gabim në drejtimin e jurisë pasi Kreka pretendonte se ajo kishte qenë viktimë e trafikimit të qenieve njerëzore.
SHSHP-ja kërkoi rigjykim pas ankesës sepse nuk u gjet asnjë dëshmi për të mbështetur pretendimet e saj. Ajo sot është deklaruar fajtore për të dy veprat penale dhe është burgosur nga Wood Green Crown Court.
Adrian Flasher nga CPS tha: “Marsela Kreka ishte pjesë e një grupi të krimit të organizuar të përfshirë në furnizimin e sasive të mëdha të kokainës. Përkundër pohimit të saj se kishte qenë viktimë e trafikimit të qenieve njerëzore, SHPK ishte në gjendje të demonstronte se ajo nuk ishte detyruar të kryente veprat penale”.
“Zyra e Prokurorit punon ngushtë me policinë, Agjencinë Kombëtare të Krimit dhe partnerë të tjerë që të identifikojë ata që mashtrojnë duke pretenduar se janë trafikuar në mënyrë që të mos përballen me ligjin dhe në të njëjtën kohë duke siguruar që viktimat e vërteta të trafikimit të marrin mbrojtjen që u siguron ligji”, tha Flasher.
