Ishte raportuar një rrahje masive në një lokal në qytetin amerikan të Los Anxhelosit.
E gjithë ngjarja ka ndodhur më 24 mars të këtij viti, ku ishin të përfshirë Drake dhe Odell Beckham Jr, dhe ish i dashuri i Kourtney Kardashian, Younes Bendjima, por videoja është publikuar gjatë ditës së sotme nga TMZ.
Në hyrje të klubit të natës “Delilah”, rreth orës 02:15, Drake, Odell dhe disa miq të tyre po largoheshin nga hyrja e pasme e klubit, kur një punonjës hapi derën, që dërgon në parkingun.
Punonjësi nisi të flasë me grupin e djemve, ku me sa duket në një moment i qorton ata dhe Younes i jep disa grushte në fytyrëë punonjësit.
Një anëtar tjetër vazhdon edhe me një serinë të grushteve dhe në momentin që po rrëzohej në tokë, Younes e kap për flokë djaloshin dhe vazhdon sulmin.
Burimet nga policia tregojnë për TMZ, punonjësi paraqiti një denoncim në polici, por ndryshoi mendje dhe vendosi të mos e vazhdonte çështjen.
Drake është përfshirë në rrahje të tilla edhe në vitet e kaluara, gjë që nuk është e çuditshme ta shohim në këto pamje.
