Mjekët gjithmonë e kanë rekomanduar vajin e peshkut për të mirat e tij shëndetësore, por tashmë duhet të dini diçka: Mos i konsumoni për një kohë të gjatë.
Studiuesit zbuluan se përdorimi afatgjat i këtyre vajrave çonte në ndryshimin e mëlçisë, duke e bërë më të ndjeshëm ndaj steatohepatit jo-alkoolik, NASH. Ky i fundit është një formë më serioze e sëmundjes së dhjamosjes së mëlçisë jo-alkoolike, NAFLD.
Në SHBA, pas një studimi rezultoi se rreth 20 përqind e njerëzve në Shtetet e Bashkuara, të cilët kanë NAFLD, kanë gjithashtu NASH, gjendja më e zakonshme me moshën.
NASH karakterizohet nga rritja e yndyrës në mëlçi, e cila nuk është shkaktuar nga konsumimi i alkoolit, inflamacioni dhe dëmtimi i qelizave të mëlçisë.
Dëmi i mëlçisë që ndodh në NASH mund të rrisë rrezikun e cirrozës dhe kancerit të mëlçisë.
