Presidenti i Filipineve Rodrigo Duterte ka vazhduar antagonizmin e tij ndaj Kishës Katolike, duke ofruar dorëheqjen në këmbim të provave për ekzistencën e Perëndisë – mundësisht një selfie.
Udhëheqësi i diskutueshëm shkaktoi polemika në qershor, kur ai e quajti Perëndinë “budalla” dhe një “bir bushtre” në një samit.
Ai tha se, ndonëse e konsideron veten një person frymor, “nuk mund ta pranojë” katolicizmin apo ndonjë formë të fesë së organizuar, duke përjashtuar ekzistencën e mëkatit fillestar tek fëmijët.
Të premten, Duterte foli në një qendër konvente në Davao City si pjesë e Javës Kombëtare të Shkencës dhe Teknologjisë të Filipineve dhe gjeti rastin të vazhdonte polemikat me kishën.
“Më duhet vetëm një dëshmitar që do të thotë,”zotëri, ata budallenj në kishë më urdhëruan të shkoj në qiell dhe të flisja me Perëndinë. Perëndia me të vërtetë ekziston. Ne kemi një foto së bashku dhe kam sjellë një selfie”, tha ai.
“Nga miliarda kaq shumë që kanë qenë këtu [në Tokë], kam nevojë vetëm për një. Dhe nëse ka një, zonja dhe zotërinj, unë do të njoftoj dorëheqjen time menjëherë.”
Me gjithë skepticizmin e tij të dukshëm, Presidenti mohoi se ai është ateist apo agnostik.
“Unë besoj në një Perëndi të Lartë, kurrë nuk kam thënë se nuk besoj në Zot”, tha ai.
Ai gjithashtu u përplas me Kishën për mbledhjen e fondeve nga anëtarët e saj, duke i akuzuar ata për përdorimin e donacioneve për të “ruajtur pallatet dhe gjërat luksoze që pjesa tjetër e njerëzimit nuk i kanë”.