Zërat për kalimin e Kristiano Ronaldos te Juventusi, po shtohen çdo ditë e më tepër. Shumë figura të shquara të futbollit botëror, kanë pranuar se ekziston kjo mundësi, madje edhe vetë Luçiano Moxhi.
Kostoja që do t’i kushtojë Juventusit për transferimin e portugezit, kap vlerën e 100 milionë eurove. Në fakt, kjo nuk është një shifër e pakapshme për Juventusin, duke qenë se prej disa vitesh shpallet kampion në Itali dhe duke avancuar deri në fazat finale të Ligës së Kampionëve.
Sa i përket merkatos së Juves, një ndihmë të madhe mund të japin londinezët e Çelsit, të cilët janë interesuar për shërbimet e Higuainit dhe Ruganit. Për dyshen bardhezi, italianët kanë kërkuar rreth 100 milionë euro në total dhe em këtë shifër, atëherë kalimi i Ronaldos në Torino, do të ishte vetëm çështje orësh.
