Ambasada Holandeze reagoi pas vendimit të Këshillit Europian për shtyrjen e hapjes së negociatave me Shqipërinë deri në plotësimin e një sërë kushtesh nga ana e qeverisë shqiptare.
Në një dekleratë të publikuar në faqen e saj zyrtare theksohet se “ka ardhur koha për rezultate konkrete në luftën kundër krimit dhe korrupsionit”.
Në dekleratë thuhet se Holanda është e gatshme të bashkëpunojë edhe më tej me Shqipërinë për reformat kyçe.
Kujtojmë se Holanda ishte një ndër kundërshtaret më të forta të hapjes së negociatave të Shqipërisë me Bashkimin Europian.
