Një grup prej 14 personash, që merrej me trafik droge në Greqi, është goditur nga autoritetet vendase. Pjesë e rrjetit kriminal ishin edhe 7 shqiptarët, të cilët kanë rënë në pranga të gjithë. Policia thotë se një prej drejtuesve te rrjetit, një 48-vjeçar shqiptar, e drejtonte aktivitetin që nga burgu. Ai ishte arrestuar ne korrik të vitit të kaluar, për trafik droge.
Ata operonin kryesisht në zonën e Tesalisë, dhe në momentin e arrestimit u sekuestruan 1,7 kg heroinë, dhe sasira të vogla kanabisi dhe kokaine. U sekuestruan gjithashtu mbi 6 mijë euro, 65 paund, gjashtë automjete, një motoçikletë dhe 21 celularë.
Shtatë të arrestuarit e tjerë janë shtetas grekë.
