Kryeministri bullgar në Tiranë: Këto janë shtetet e BE kundër çeljes së negociatave me Shqipërinë

Kryeministri i Bullgarisë, Boyko Borissov, po zhvillon një vizitë zyrtare në Shqipëri. Ai është pritur me ceremoni shtetërore, ndërsa aktualisht po zhvillon një takim në Kryeministri me Edi Ramën. Në qendër të bisedës mes dy kryeministrave është thellimi i bashkëpunimit dhe mbështetja për procesin e integrimit të Shqipërisë në BE.

Për Borissov, Shqipëria e ka mbështetjen e Bullgarisë për votimin e fund-qershorit nga BE. Por sipas tij, janë 2-3 shtete të BE të cilat janë kundër çeljes së negociatave.

“Kemi 2-3 shtete që janë skeptike ndaj Shqipërisë, por shumica mendojnë së Shqipërisë do i jepet një datë dhe rrugë për anëtarësimin për në BE. Po bëjmë përpjekje ti bindim vendet që janë kundër”, tha Borissov.

Nga ana e tij, kryeministri Rama tha se eksperienca bullgare është mjaft e vlefshme për Shqipërinë në rrugën e integrimit.

LEXO EDHE  Ish-ministri socialist: Venecia i dha të drejtë Presidentit, mazhoranca kërkon të kapë çdo institucion

Shpresoj të kemi një lajm pozitiv të shumëpritur për Shqipërinë dhe Maqedoninë. Kemi diskutuar për mbështetjen nga Bullgaria për përgatitjen për negociatat. Dëshirës tonë për të mësuar nga kjo eksperiencë i përgjigjen për të nda ndihmuar. Diskutuam edhe për reformat, që Bullgaria i ka kaluar në një fazë më të hershme. Në programin e 100 fshatrave, Bullgaria ka marrë patronazhin për një fshat. Ballkani Perëndimor është tema më e vështirë që mund të zgjidhet, nëse një fqinj është keq të gjithë bëhen keq. Shumica e vendeve europiane, mendojnë se edhe pse kushte Shqipërisë duhet ti jepet një datë për negociatat. Duhet të bindim vendet që na kanë mbetur deri në fund të qershorit. Ballkani mund të bëhet një vend më i mirë për të jetuar“, tha Rama.


PËRGJIGJU

Please enter your comment!
Please enter your name here