Protestat në Jordani kundër rritjes së taksave dhe masave shtrënguese, kanë vijuar për natën e tretë radhazi, ndërsa demonstrimet më të mëdha në vite. Policia shkarkoi gaz lotsjellës dhe bllokoi rrugët në kryeqytetin Amman për të ndaluar protestuesit që të afroheshin me zyrën e kabinetit.
Protestuesit thonë se një projekt-ligj i ri tatimor i mbështetur nga Fondi Monetar Ndërkombëtar (FMN) do të dëmtojë klasën e varfër dhe të mesme.
Mbreti Abdullah ka bërë thirrje për kompromis nga të gjitha anët. Mijëra protestues kënduan slogane anti-qeveritare dhe bënë thirrje që Mbreti Abdullah të shkarkojë Kryeministrin Hani Mulki.
Ka pasur gjithashtu disa protesta në qytetet provinciale, ku policia thuhet se ka përdorur gaz lotsjellës. Në qytetin jugor të Maanit, protestuesit dogjën goma në autostrada dhe pati përleshje me policinë, raportoi Reuters.
Jordanezët kanë parë që çmimet rriten, ndërkohë që rrogat nuk kanë lëvizur. Të premten mbreti Abdullah ndërhyri për të ngrirë një rritje të çmimeve të karburantit.
Por protestuesit janë më të zymtë për faturën e propozuar tatimore, të cilën ata kanë frikë se do të përkeqësojnë më tej standardet e jetesës. Redaktori i çështjeve arabe të BBC-së Sebastian Usher thotë se mbreti po nxit një marrëveshje që nuk do të mbingarkojë jordanezët e zakonshëm ndërsa duhet luftë kundër evazionit fiskal endemik.
