PD dhe LSI kanë protestuar sot në komisionin e Ligjeve duke i kanë bërë thirrje kolegëve të mazhorancës që “kush nuk është i përfshirë në krim, s’ka pse të bëhet mbrojtje për Fatmir Xhafajn.”
Kryetari i komisionit Ulsi Manja ka debatuar me Alibeajn duke i kërkuar që t’ia lërë fjalën Avokates së Popullit, të thirrur në komision, “sepse e kishte dëgjuar njëhërë atë histori:, por Alibeaj nuk e lejoi:
“Nëse ju keni vendosur të mbyllni sytë e veshët si Rama, që ka filluar një pelegrinazh në Gjirokastër, në Tepelenë, një realitet që nuk ekziston….
Pse Edi Rama dhe Fatmir Xhama vënë nën presion prokurorinë? Pse e keni zhytur këtë vend në këtë vorbull? Këtë duhet të dëgjojë populli, edhe Avokati i Popullit që mbron interesat e popullit.
Ju nuk keni për ta bërë, por në 26 maj do të flitet saktë dhe njhëherë e përgjithmonë. Edhe Avokati i Popullit duhet të flasë e t’i japë zë popullit. Nuk e di sesi do ta keni stomak tani e të vazhdoni me miratimin e strukturës së komisionarit të mbrojtjes nga diskriminimi! Secili sot të marrë përgjegjësitë e veta!”
Ulsi manja i është drejtuar Avokatës së Popullit dhe ka ndërprerë deputetët e PD-së në vazhdim: Tani do të dëgjojmë Avokaten, sepse ju keni kënduar dje dy orë, këngë me motive pogradecare….”
Por Manja dhe askush nuk ëhstë lejuar të vazhdojë, sepse deputetë e PD-së kanë vazhduar me ngulm të kërkojnë fjalën.