Ish-kryeministri i Malajzisë, Najib Razak, ka pranuar humbjen pas zgjedhjeje historike në të cilat partia e tij në pushtet u rrëzua për herë të parë në 60 vjet.
Duke folur në një konferencë për shtyp të enjten në mëngjes, Najib u shpreh se: “Unë dhe kolegët e mi e pranojmë vendimin e popullit”.
Ai tha se Fronti Kombëtar, i cili ka qeverisur vendin për pothuajse tërësinë e historisë së saj moderne, “do të respektojë parimin e demokracisë në parlament”.
Mahathir Mohamad, ish-sundimtari autoritar 92-vjeçar, pritet të emërohet kryeministër pas udhëheqjes së aleancës së opozitës në fitore. Aleanca mundi të sigurojë 115 vende në parlament, duke kaluar pragun e 112 vendeve të nevojshme për të formuar një qeveri.
Mahathir tha se kishte fituar një mandat të qartë për të formuar një qeveri të re dhe se priste të betohej ditën e enjten.
Mahathir udhëhoqi Malajzinë për 22 vjet deri në vitin 2003 dhe u kthye nga “tërheqja politike” për të marrë përsipër përgjegjësinë e opozitës, teksa Najib u përfshi në një skandal korrupsioni.
Mbështetësit e aleancës së opozitës dolën në rrugët e Kuala Lumpurit për të festuar fitoren e tyre të papritur.
