Martin Horn ka fituar zgjedhjet për kryetar bashkie në Freiburg të Gjermanisë, por sëbashku me fitoren ka marrë edhe një grusht të fortë turinjve.
Teksa festonte fitoren në zgjedhjet lokale për bashkinë e Freiburgut, kandidati i pavarur gjerman është përballur me një huligan, i cili teksa i është afruar me justifikimin për të bërë një fotografi, e ka goditur duke bërë që politikani i ri të përfundojë në spital.
“Nga grushti që mora, kam hundën dhe dhëmbët e thyer”, deklaroi Horn, të cilit iu ndërpre festa në mes.
Kandidati fitues më pas reagoi edhe në rrjetin social “Facebook”, duke i kërkuar mbështetësve të tij që të mos e lejojnë këtë incident të ndikojë tek to.
Autori i sulmit, një 54 vjeçar, është arrestuar menjëherë nga autoritetet policore dhe momentalisht gjendet nën hetim.
