Një 34 vjeçar dënuar me 5 vjet burg është arrestuar pas 3 viteve në kërkim.
Ndaj Hajri Mamica(në foto), 34 vjeç, banues në Kamëz Gjykatat e Apelit Tiranë me vendimin e datës 08.04.2015 e ka dënuar me 5 vite burg për veprën penale “Prodhim dhe shitje lëndësh narkotike”.
“Në sajë të informacioneve të marra në rrugë konfidenciale ky shtetas u kap nga shërbimet e Policisë në zonën e Bathores, ku gjatë kontrollit fizik të ushtruar iu gjetën 26.6 gramë lëndë narkotike e dyshuar e llojit Cannabis Sativa dhe një krehër pistolete brenda të cilit kishte 6 fishekë model 56” informon policia e Tiranës.
Gjithashtu u arrestua dhe Françesko Rrapushi, 26 vjeç, banues në Kamëz i cili i kishte lënë me qera shtëpinë 34 vjeçarit. Gjatë kontrollit të ushtruar nga Policia janë gjetur 867.8 gramë lëndë narkotike e dyshuar e llojit Cannabis Sattiva.
Materialet iu referuan Prokurorisë së Rrethit Gjyqësor Tiranë në ngarkim të shtetasit H. M., për veprat penale “Prodhim dhe shitje të lëndës narkotike”, “Prodhim dhe mbajtja pa leje e armëve dhe municionit luftarak”, parashikuar nga nenet 283/1, 278/4 të Kodit Penal dhe për veprën penale “Përshtatja e lokalit për përdorim droge”, në ngarkim të shtetasit F. Rr., parashikuar nga neni 285/a.
